బతికేదెందుకు చాన్నాళ్లు!
అశాశ్వతమైన జీవితంలో
భోగ భాగ్యాలు కావాలనే ఆశ లేదు
కానీ ఈ శరీరంలో చలనం ఉన్నంతవరకు
ఈ దరణిపై కొన్ని విలువలతో జీవిస్తూ అందంగా పనిచేస్తూ కొందరికి కొన్ని విలువలను పరిచయం చేస్తూ జీవించడమే!
జన్మించడం ఒక్క క్షణం
మరణించడం ఒక్క క్షణం
కానీ జీవించడం మాత్రం సులభమేమి కాదు
అది నిరంతర సాధనలో ఉంటుంది!
వ్యక్తిత్వం పైన అంటించుకున్న మరకలు
ప్రాణం పోయినా కూడా పోవు
అందుకే గొప్పగా జీవించాలి
గడిచిన సమయం తిరిగిరాదు
గడుస్తున్న కాలం ఎవరికోసం ఆగదు
కాలం నిరంతర ప్రవాహం!
జీవితం అంటే
జన్మించడం మరణించడం మద్యలో ఉండే జీవించడమే కదా
ఇదర్దం అయితే మనిషి మహర్షి అవుతాడు
గొప్పగా ఆలోచిస్తాడు
గొప్పగా ఆలోచిస్తూ
గొప్పగా పనిచేస్తూ వ్యవస్థతో మమేకమై సంచరిస్తాడు!
అవును
బతికేదెందుకు చాన్నాళ్లు
మరణపు అంచులను తాకడానికి
నిత్య నూతనంగా జీవిస్తూ
శాశ్వతమైన ఆలోచనలతో
బతికున్నప్పుడే జీవించి ఉండే పనులను చేస్తూ!
Kallem Naveen Reddy
Comments
Post a Comment