బాపు దినకర్మ...!

"పోయినొల్లందరు మంచోల్లు

ఉన్నోల్లు పోయినొల్ల తీపిగుర్తులు"

ఈ ఆదివారం (19-11-2023) 

మా గ్రామంలో బాపు దినకర్మ!

____ ఒక్కోసారి 

జీవితం శూన్యంగా కనిపిస్తుంది

ఎన్నో ఆటుపోట్లను 

ఎదుర్కుంటూ పోవాల్సిందే

ప్రతి క్షణం ఏదో నేర్పిస్తూనే ఉంటుంది

పోయినోల్లు ఇకరారు

ఉన్నోళ్ళ కోసం జీవించాలి

వాళ్ళకు బతుకునివ్వాలి

ఇది ఒక బతుకు పాఠం

నిత్యం అనేక ప్రయాణాలు చేయాల్సి ఉంటుంది!

నది ప్రవాహం లెక్కనే

కాల ప్రవాహం

ఎప్పుడు ప్రవహిస్తూనే ఉంటుంది..!

గడిచిన కాలం తిరిగి రాదు

ప్రవాహం వెనక్కి రాదు

నిరంతరం ప్రయాణిస్తూనే ఉంటుంది..!

మనం పుట్టక ముందు 

ఈ భూమి మీద లేము

మన మరణం తర్వాత

ఈ భూమి మీద ఉండము..!

కాబట్టీ

అద్భుతంగా జీవిస్తూ

ఎటువంటి పరిస్థితులు ఎదురైనా

ఎన్ని గడ్డు పరిస్ధితులు ఎదురైనా

కాల చక్రంలో ప్రయాణించక తప్పదు!

ఈ సృష్టిలో ప్రతిదీ గొప్ప సందేశాన్ని ఇస్తుంది!

ఇక మనం ఉన్నన్ని రోజులు

ఈ శరీరం మట్టిలో, గాలిలో కలిసేంత వరకు

ఉన్నతంగా జీవించడానికి

లక్ష్యం బాధ్యత మరవకూడదు

ప్రయాణిస్తూనే ఉండాలి

కాలం ఎప్పుడు ఏదో విధంగా 

సమాధానమయ్యే ఉంటుంది..!

🙏🙏ఓం శాంతి బాపు🙏🙏

- Kallem Naveen Reddy