ఏది నీది!
జీవితంలో డబ్బు కోసమే బతుకుతూ
పక్కవారిని మోసం చేస్తూ
మంచివారిని కూడా చెడ్డవారిలాగా చిత్రీకరించి
బురదలో బతుకుతున్న వారే చుట్టూ చేరి నవ్వుల పాలు అవుతున్నారు
కొందరు వెర్రి జనాలు
కొన్ని వెర్రి బంధాలు!
చీకటయ్యే రోజు వచ్చినప్పుడు
ఆరడుల జాగదగ్గర
అవసరానికి మించి సంపాదించిన ఆస్తులు
అవేమీ నీవెంట రాకుండా
ఆశాశ్వతమై ఇక్కడే ఉంటాయి!
అవును ఒకరోజు
ఏకాంతంగా నిశబ్ద మందిరంలో
ఎన్నో తగాదాలు
ఎన్నో పగలు
ఎన్నో ద్వేషాలు
అర్దం లేనివన్నీ
శరీరంతో స్మశాన వాటికలో పాతిపెట్టబడుతాయి!
కానీ పాతి పెట్టలేనిది
గొప్పగా బతికిన తీరు
వ్యక్తిత్వానికి అంటించుకోని మరకలు మాత్రమే
కొన్ని రోజులు ఇక్కడ ఉంచబడతాయి
ఒకానొక రోజు అవి కూడా చెరచి వేయబడతాయి
కాలం మాత్రమే అన్నింటికీ సమాధానంగా ఉంటూ
మనిషి జన్మకు అర్థాన్ని చెప్పే ప్రయత్నాలు చేస్తుంది
కానీ మనిషి తెలుసుకోకుండా విర్రవీగుతూ
పగలు రాత్రి లెక్కనే సంచరిస్తూ ప్రయాణం చేస్తున్నాడు
అర్దం లేకుండా!
పుట్టుక మరణం మధ్యలో
సాగించే అద్భుతమైన ప్రయాణమే ఈ జీవితం
అందుకే ఏది మనది కానప్పుడు
ఏది మనతో రానప్పుడు
చీకటయ్యే రోజు వరకు అధ్బుతంగా జీవిస్తూ
వీడ్కోలు పలుకుదాం
అవును
గొప్పగా ఈ జీవితానికి వీడ్కోలు పలుకుదాం!
Kallem Naveen Reddy
అభ్యుదయ కవి
కామారెడ్డి
9963691692
Comments
Post a Comment