మా అమ్మ చదువుకోని ఓ గొప్ప పుస్తకం

-
మా అమ్మ సులోచన(రాజవ్వ) చదువుకోని ఓ గొప్ప పుస్తకం!
===========================
మా అమ్మ చదువుకోని ఓ గొప్ప పుస్తకం!
జీవితమంతా ఎన్నో జ్ఞాపకాలతో బతుకు పాఠం అయింది
బతుకు విలువ తెలిపింది
అమ్మ ఆజ్ఞతో పెరిగాము
కోట్లు ఇవ్వలే
మిద్దెలు మేడలు ఇవ్వలే
కానీ వాటికంటే గొప్పవే ఇచ్చింది!
పట్టించుకోని నాన్నతో
కేవలం మేం పుట్టామని
జీవితం అంతా నాన్నతో ఓ యుద్దం చేస్తూ
అర్దం చేసుకోని బంధాల నడుమ 
బాధలను దిగమింగి
జీవితం అంటే ఎంటో నేర్పింది!
గొప్ప వ్యక్తిత్వానికి అవసరం అయిన విద్యను ఇచ్చింది!
అయినా
మా అమ్మ చదువుకోని ఓ గొప్ప పుస్తకం!
ప్రతి పేజీ అందంగా నిర్మించుకుని
రక్తబంధాల నడుమ మాటకి నిలిచి
కొన్ని సందర్భాల్లో అమ్మ హృదయం ఆగమైంది
తోడబుట్టిన వాళ్ళ వళ్లనో
ఇంకా తోడబుట్టని వాళ్ళతోనో
ఆగం అయితే అయ్యింది
బతుకు పాఠం నేర్పింది కదా
నేను బరోసా అయ్యాను
బాధను దింపాను
నేనున్నా అన్నాను
మనుషుల హృదయాలను చదివాను
మారు మనిషి వేషాలను కనిపెట్టాను
జీవితం అర్దం అయింది
అంతరంగ సంఘర్షణల తో
బాధాతప్త హృదయంతో 
మనస్సు పడిన వేదన ముందు
నిజమైన ప్రేమ,ఆప్యాయతలు తెలిశాయి!
అన్ని అబద్ధపు ప్రేమలు డబ్బుతోనే ముడిపడివున్నాయి!
మనమైతే శాశ్వతం కాదు కదా
ఇప్పుడున్న స్థితి కాదు కదా
అమ్మ అంటుండేది
మనం ఎప్పుడు మనలాగే ఉండాలని
అవును మేం అలాగే ఉన్నాము
మారకుండా!
బుడి బుడి అడుగులు వేసేటప్పుడు అమ్మలో ఏ ప్రేమైతే చూసానో
ఇప్పుడదే చూస్తున్నాను
అమ్మంటే అదే కదా మరి
నిర్మలమైన ప్రేమ 
కల్మషం లేని ప్రేమ అంటే అమ్మనే!
అమ్మా
నీ ప్రేమ గురించి చెప్పాలంటే
ఈ భాష
ఈ కవిత్వం 
ఈ సాహిత్యం
ఇవేవీ సరిపోవు
అవును
ఇవేవీ సరిపోవు!

Note:-
(ఒక్కరోజే కాదు మాతృ దినోత్సవం
రోజూ మాతృ దినోత్సవమే)

కళ్లెం నవీన్ రెడ్డి
అభ్యుదయ కవి
సోమారం పేట్
తెలంగాణ జాగృతి సాహిత్య విభాగ కో కన్వీనర్ కామారెడ్డి జిల్లా
9963691692

Comments

Post a Comment

Popular posts from this blog

తండ్రి సంవత్సరిక విధానం....!!

-
శ్రాధ్ కర్మ అనేది శ్రాధ్ కర్మ అనేది సంవత్సరికం విధానం , ఇది ఎంతో భాధ్యత గా చేసుకోవాల్సి ఉంటుంది. మాసికం, విమోకం మరియు పరమాత్మ అబ్దికం నవగ్రహ శాంతి పూజలు కుటుంబం లోని సభ్యులందరూ కలిసి చేస్తారు! చనిపోయినప్పుడు ఆత్మ ఎక్కడనుండి అయితే వెళ్ళిందో ఆ మరణించిన వాళ్ల ఆత్మ శాంతి కలగాలని వారియొక్క బంధువులతో కలిసి తండ్రికి తలకొరివి పెట్టిన పెద్ద కుమారులందరూ తద్దినం ఆచారాన్ని సక్రమంగా నిర్వహించాలి. ఆ పూజను చేయడానికి ఆచారున్ని పిలిపించి అందరూ కలిసి సంతోషంగా చేస్తారు.  తండ్రికి తలకొరివి పెట్టిన వాళ్ళు ఆ తండ్రికి పుట్టిన కుమారులతో కలిసి చేయకుండా వేరుగా చేసినట్టు అయితే ఆ తండ్రి ఆత్మకు శాంతి లేకుండా చేసినట్టు అవుతుంది. తలకొరివి పెట్టిన వాళ్ళు అలా చేయడం మహాపాపం. ఆ పాపం మరణించిన కానీ పోదు. తర తరాలుగా ఆ పాపం వెంట వస్తూనే ఉంటాయని పురాణాలు చెపుతున్నాయి. అన్నీ  కార్యక్రమాలు సక్రమంగా నిర్వహిస్తేనే తలకొరివి పెట్టాల్సి ఉంటుంది. అలా శ్రాద్ కర్మ వరకు విధానాన్ని పాటించాలి! సంవత్సరికం ప్రక్రియ యొక్క ఆచారాలు ఇతర శ్రాద్ధ వేడుకల మాదిరిగానే ఉంటాయి. మరణించిన ఆత్మకు శాంతి మరియు మోక్షాన్ని ప్రసాదించడానికి పూజలు నిర్...
Read more

పుస్తకంలో నాకో పేజీ!

-
Image
చరితకై తపన భావాల సంపదను పోగేసుకుని అక్షరమై జీవించాలని ఆరాటపడుతూ కాలంతో నా కలం పరిగెత్తుతుంది! తెల్లని పొలంలో నల్లని విత్తులేసుకుని మొలకెత్తించి చెడు వ్యక్తిత్వాలపై యుద్దం చేస్తుంది! సమాజంలో జరిగే ఆకృత్యాలపై నా అక్షరం ఒక విప్లవం నా అక్షరం ఒక కిరణం నా అక్షరం ఒక కెరటం గర్జించే నా గళమే ఆయుధం బాధాతప్త హృదయాలను స్పృశిస్తూ వ్యవస్థను ప్రశ్నించే కవిత్వం రాస్తూ కలానికి వ్యక్తిత్వాన్ని జోడించి నా వంతుగా కవిత్వం రాస్తా! నిగ్గదీసి నిజాలు చెప్పేందుకు కలం కాలంతో సాగేందుకు నాలోని మానవత్వాన్ని దారపోస్తాను! చరిత్ర పుటల్లో నిలవడానికి ప్రయత్నిస్తాను! నా బ్రతుకు కావ్యంలో హృదయాన్ని ఊయలలూగించే రచనలే చేస్తాను! ఒక్క సిరాచుక్క వికసించే వివేకమే కదా ఇదే నా వ్యక్తిత్వ సంపద నా జీవిత పుస్తకంలో చిరిగిన పేజిలేన్నో ప్రతి పేజీలో నేర్చుకున్నా విషయాలెన్నో! ఈ ప్రపంచం అంతా కూడా అన్నీ ఎవరికి తెలియని ఊర్లతో ఈ సమాజం నిండివుంది. అందులో ఏ మూలనో ఏ కొననో నీ ఉనికనేది! నీదనేది  ఏది లేకుండా చేసే ఒకరోజు వచ్చినప్పుడు ఏది చేయకుండా నీపేరు ఇక్కడ లిఖించకుండా వెళ్తావో ఆ జన్మ నిరర్థకమే! బతుకంటే కేవలం బతకడమే కాదు జీవించడం కదా! చరిత్ర పుస్...
Read more